⛔ لصوص مكتب التحسين و والنظافه بتعز

✍️ فهيم المخلافي

لو قلنا انه في اليوم في مليون كرتون وجونيه تدخل تعز وعلى كل حبه من ذين يستلم مكتب التحسين والنظافه ٢٠ ريال على كل كرتون وجونيه ويتم استلامها بلمنافذ فوق البوابير من متحصلين يتبعون مكتب التحسين والنظافه
يعني بليوم 20,000,000 عشرون مليون ريال يمني
بشهر الواحد 600,000,000 ست ميه مليون ريال يمني
يعني بسنه 7,200,000,000 سبعه مليار وماتين مليون ريال
ابصروا على مبالغ كيف ينهبوها والقمامه مليان الشوارع ويجي يقلك مافيش معانا امكانيات عشان ننظف تعز
والفلوس ذي يلهطوها مسؤلين تعز الفاسدين
انا داري انه في ناس بيقولوا انه مش مليون كرتون يدخلو بقله الا مليون كرتون ملابس و مواد غذائيه و مواد كهربائيه و اسمنت و دجاج و خضروات و فواكه و قطع غيار وانتم دارين انه كل احتياجات تعز كلها تجي من خارج وعلى فكره المكتب مايشل عشرين يشل على حاجات اكثر مثلا الاسمنت خمسون الملابس وقطع الغيار فوق الالف
طبعا المبالغ هذي لا تشمل اللي يسنلموها من التجار والمحلات هذي فقط حق البضاعه اللي تدخل
السؤال اللي اشتي اسئله الان لمدير مكتب التحسين والنظافه صادق الطويل ونائبه عرفات جامل الزلط هذي فين تودوها ياخبره
اسئلكم بالله تسالوهم ياابناء تعز لنه انا داري مشرضوش يردو عليا
#شارك

من صفحة الكاتب على الفيسبوك