لمو اكه يا علي المعمري
✍️ اياد الشرعبي
لمو يامعمري اكه ونص حراس الجمهوريه من تعز وابطال تعز الاحرار مش المفصعين وسط وادي القاضي او عصابات مع غزوان او مع مافيا المحور الاخوانجي لمو واعلي معمري تهورت ولم تخجل ان الالف التعزيين داخل مارب بعوايلهم وداخل ذمار وداخل حجه والمحويت ما بتتغير الا ديموغرافية الحجريه بس وباقي المحافظات اللي نتواجد كتعزيين فيها بعوائلنا مابتتدمغرفش يابتوع البرلمانات انت والعديني وبعض الفتالين مايكفيش عاركم قد المناطق الجنوبيه تخرج التعزيين بسبب فتاويكم الفتاله امانه لمو ما تتغير ديموغرافيه مارب وفيها اكثر من مئتين الف برغلي وماسكين كمان مناصب بالسلطه المحليه وفاتحين هيلامانات اعلاميه علشان يطبلوا لكم المفتاله هذه وهم خارج تعز لمو اول ماقريت عن كشفك لمخططك خطير قلتوا احتمال بتدخلوا الحوبان لان الحوثي يمكن يفكر يغزوا بير باشه او الستين او باب موسى او وادي القاضي وانت فضحت المخطط الله يفضحك ما يكفيش عاركم انكم تلاحقوا ابناء تعز اللي مش اخوانجي ونخرجوه من تعز او تجرجروه بالسجون والان تشتي تجرجر التعزيين من المحافظات الباقيه انا من تعز وما اجراش ادخل المدينه المقدسه اللي انتم خايفين من تغييرها الديموغرافي بيني وبينكم احنا نستاهل لان احنا ساكتين على قليل فتالين بتعز يتحكموا بمصيرنا وهم بستلموها دولارات من قطر وتركيا هذا وعاد النفط يامعمري ماقد خرجش من تعز ولا الغاز ولا الثروه السمكيه ولا حتى صناعة الصلصه على مو جالس تطرب بنا بكل المحافظات كانت تسمى تعز الثقافه اجتمعت انت والعديني ورجعتوها تعز اللقافه مايكفيش ٢٠١١ وجزعتوا الناس رجل من تعز الى صنعاء لثورة توكل مايكفيش ان كانت تعز سبب لما وصلنا له اليوم بصدوركم العاريه المفضوحه وانتم بتكذبوا بأن تعز كانت شرارة البوره فهربت عيالك بعد نجاح الثوره حقكم وحربتم بسراويل نسوانكم من صنعاء بعد ما جرجر عاركم الحوثي قلنا يمكن تعقلوا وتحسوا بالذنب وتوحدوا بندقيتكم لقتال الحوثي الذي خرج الناس كامل وانكم تشتوا تدخلوا تعز بصراعات بعيدة عن مواجهة الحوثي او خلاص الحوثي بصنعاء تعز ما اصبحاش منبع الثوره ضد الامامه قصفكم اهم شي كلامي خرج عن اللياقه الاعلاميه لكن لامثالكم كان يحتاج اسوى الخلاصه اذا استمرينا كأبناء تعز بتصديق مثل هؤلاء الفتالين فأبشركم والله مايبقى تعزي بمحافظه خصوصاً بالمناطق الجنوبيه والحمدلله .
